एका 'मंत्राची' जयंती.

||श्री शिव रायाय नमः||
शिवजयंती. 

हिंदुपदपादशाहीच्या 'मंत्राची' जयंती.
जिजाऊ आऊसाहेबांच्या 'शिवबाची' जयंती.
तानाजी रावांच्या 'मैतराची' जयंती.
बाजी प्रभूंच्या 'प्राणाची' जयंती.
कवीराज भूषणाच्या 'सरजा शेर शिवराजाची' जयंती.
सह्यदेवतेच्या अन् दर्या भवानीच्या 'उपासकाची' जयंती.
समर्थ रामदास स्वामींच्या 'शिवकल्याण राजाची' जयंती.
शंभुबाळाच्या आबासाहेबांची 'म्लेंछक्षयदीक्षितांची' जयंती.
राष्ट्रपुरूषाची जयंती.
"राष्ट्रपित्याने" वर्णिलेल्या 'वाट चूकलेल्या देशभक्ताची' जयंती.
स्वातंत्र्यवीर सावरकरांच्या 'हिंदुनृसिंहाची' जयंती.
शाहिराच्या डफावर कडाडणार्‍या वीररसाची जयंती.
कलियुगातील भगिरथाची जयंती.
महाराष्ट्राच्याच नव्हे तर अवघ्या हिंदुस्थानच्या अस्मितेची जयंती.
छत्रपति शिवाजी महाराजांची जयंती.
नव्हे - नव्हे ही तर महाराष्ट्र मनाच्या महादेव ईश्वराचीच जयंती